CAVITE – Hinihinalang biktima ng summary execution ang natagpuang bangkay ng isang lalaki sa gilid ng kalsada ng Governor’s Drive, Brgy. Tanauan, sa bayan ng Tanza noong Linggo ng umaga.

Ayon sa ulat, bandang alas-9:30 ng umaga nang makatanggap ng tawag ang Paradahan Outpost hinggil sa natagpuang bangkay ng isang hindi kilalang lalaki sa gilid ng kalsada sa nasabing lugar.

Hinihinalang may ilang oras nang patay ang biktima na binalutan ng packaging tape ang mukha at pinaniniwalaang itinapon lamang doon upang iligaw ang mga imbestigador.

Hindi naman nabanggit sa report kung saksak o tama ng bala ang dahilan ng pagkamatay ng biktima. (SIGFRED ADSUARA)